കോട്ടയം: കോട്ടയത്ത് എംഡിഎംഎയുമായി ആയുർവേദ തെറാപ്പിസ്റ്റ് അറസ്റ്റിൽ. പെരുവന്താനം സ്വദേശിയായ യുവാവിനെ എക്സൈസ് പിടികൂടിയത് രണ്ടു മാസത്തെ നിരീക്ഷണത്തിന് ഒടുവിലായിരുന്നു. പെരുവന്താനം തെക്കേമല സ്വദേശി ഫിലിപ്പ് മൈക്കിൾ ആണ് അറസ്റ്റിലായത്. 24 വയസ്സ് മാത്രമാണ് ഫിലിപ്പിന്റെ പ്രായം. ബംഗളൂരുവിൽ ആയുർവേദ തെറാപ്പിസ്റ്റ് ആയി ജോലി ചെയ്യുകയാണ് ഫിലിപ്പെന്ന് എക്സൈസ് പറഞ്ഞു.ഇൻസ്റ്റയിലൂടെ പരിചയപ്പെടുന്ന യുവതികളെ കേന്ദ്രീകരിച്ചാണ് ഇയാൾ ലഹരിമരുന്ന് വിറ്റിരുന്നത് എന്നാണ് എക്സൈസ് നിഗമനം. എംഡിഎയും കഞ്ചാവുമായി കർണാടക രജിസ്ട്രേഷനുള്ള കാറിൽ കോട്ടയത്ത് എത്തിയപ്പോഴായിരുന്നു ഫിലിപ്പിനെ പിടികൂടിയത് എന്നും എക്സൈസ് അറിയിച്ചു. 2.2 ഗ്രാം എംഡി എം എയും 50 ഗ്രാം കഞ്ചാവുമാണ് കാറിൽ നിന്ന് കിട്ടിയത് എന്നും എക്സൈസ് അറിയിച്ചു. രണ്ടുമാസത്തെ നിരന്തരം നിരീക്ഷണത്തിലൂടെയാണ് ഫിലിപ്പിന്റെ അറസ്റ്റ് എന്നും എക്സൈസ് അറിയിച്ചു.
