ആലപ്പുഴ: കൊറിയർ മുഖേന മയക്കുമരുന്ന് കടത്തുന്ന സംഘത്തിലെ പ്രധാനികൾ അറസ്റ്റിൽ. കൊല്ലം സ്വദേശികളായ അമീർഷാ, ശിവൻ എന്നിവരാണ് പിടിയിലായത്. ഇവരിൽ നിന്ന് ഡയ്സിപാം ഇൻജക്ഷൻ്റെ 100 കുപ്പികൾ പിടിച്ചെടുത്തു.
ഓൺലൈൻ വഴി മയക്കുമരുന്നുകൾ ഓർഡർ ചെയ്ത് വരുത്തി വിൽക്കുകയായിരുന്നു ഇവർ. പത്ത് മില്ലിയുടെ ഒരു കുപ്പി 1500 രൂപക്കാണ് ഇവർ വിറ്റിരുന്നത്. മെഡിക്കൽ ഷോപ്പിനോട് ചേർന്ന് നടത്തുന്ന കൊറിയർ സ്ഥാപനത്തിൽ രാത്രിയോടെ ഉദ്യോഗസ്ഥരെത്തി 2 പേരെയും പിടികൂടുകയായിരുന്നു. ഇവരിൽ നിന്ന് മാരക മയക്കുമരുന്നാണ് പിടിച്ചെടുത്തിരിക്കുന്നത്. സംഭവത്തിൽ കൂടുതൽ ആളുകൾ പിടിയിലാകുമെന്നാണ് പൊലീസ് പറയുന്നത്. ഓൺലൈൻ വഴി മയക്കുമരുന്ന് എത്തിച്ച് വിപണനം നടത്തുന്ന സംഘത്തെക്കുറിച്ച് എക്സൈസിന് നേരത്തെ രഹസ്യവിവരം ലഭിച്ചിരുന്നു. ഇതുമായി ബന്ധപ്പെട്ട് അന്വേഷണം നടത്തിവരികയായിരുന്നു.
Please follow and like us:
