കോതമംഗലം : പല്ലാരിമംഗലം കൂവള്ളൂർ മജ്ലിസുന്നൂർ ഇസ്‌ലാമിക് സെന്ററിൽ നടത്തി വരുന്ന മാസാന്ത സ്വലാത്ത് മജ്ലിസിന്റെ 8-മത് വാർഷികവും മീലാദ് സംഗമവും മിഹ്റജാനുൽ മൗലിദ്, മദ്ഹ് പ്രഭാഷണം,മദ്റസ- ദർസ് വിദ്യാർത്ഥികളുടെ കലാ മത്സരം, സ്വലാത്ത് മജ്‌ലിസ്,അന്നദാനം തുടങ്ങിയ വിവിധ പരിപാടികളോടെ സമാപിച്ചു.
സ്വലാത്ത് മജ്ലിസിനും സമാപന പ്രാർത്ഥനക്കും കേരള സംസ്ഥാന ജംഇയ്യത്തുൽ ഉലമാ ജനറൽ സെക്രട്ടറി മൗലാനാ നജീബുസ്താദ് മമ്പാട് നേതൃത്വം നൽകി.
പ്രമുഖ സൂഫീവര്യൻ പാനിപ്ര ഖാലിദ് ഉസ്താദ് പ്രാരംഭ പ്രാർത്ഥന നടത്തി.ഏഴിമല സയ്യിദ് ഇസ്മാഈൽ ബുഖാരി തങ്ങൾ അദ്ധ്യക്ഷത വഹിച്ചു.സിദ്ധീഖ് ബാഖവി മണിക്കിണർ ആമുഖഭാഷണം നടത്തി.സി എ മൂസാ മൗലവി ഉദ്ഘാടനം ചെയ്തു.
വി എച്ച് മുഹമ്മദ്‌ ഉസ്താദ്,ഹസൻ അശ്‌റഫി ഫാളിൽ ബാഖവി,അശ്റഫ് ബാഖവി ഒടിയപാറ, കല്ലൂർ സുബൈർ ബാഖവി തുടങ്ങിയവർ പ്രസംഗിച്ചു.നജീബ് വഹബി കൂറ്റംവേലി സ്വാഗതവും നിസാർ പ്ലാശ്ശേരിക്കുടി നന്ദിയും പറഞ്ഞു.
വാർത്തകൾക്കും പരസ്യങ്ങൾക്കും താഴെ കാണുന്ന നമ്പറിൽ ബന്ധപ്പെടുക
9947711717
